Live is music...!

Eins og sést hérna á síðunni þá er ég ákaflega latur við að koma mér af stað í bloggið. Eitt blogg á ári er bara þó nokkuð á minn mælikvarða. Ég ætla ekki að minnast á vinnuna eða nokkuð slíkt hérna nema í framhjáhlaupi. Til að byrja með langar mig að monta mig af þremur börnunum mínum (af fjórum) og biðja ykkur að hlusta á tónlistina þeirra. Hér hægra megin í "spilaranum" eru lög sem þeir voru að gera fyrir nokkrum árum. Í raun frumraunin. Hjörtur var beðinn um að remixa lag Ununar hérna fyrir langalöngu (um karlmennina) og hlustið á að ekki einn einasti tónn í laginu er spilaður af tónlistarmönnum. Hver einasti tónn er "samplaður" í tölvu. Gítarinn er frá Slade, trommurnar frá að mig minnir Sweet o.s.frv. Lög Árna og Sigurvins eru aftur á móti handspiluð, nema trommurnar þær eru forrit í tölvu. Meira síðar. Thank U very much...!